CERPEN BAHASA BANJAR

SI GALUH

Ada urang nang ngarannya Anang, inya ni marasa sudah bahagia mun inya ni hidup sudah langkap banar. Anang ni bapandir ae dalam hati “ unda ni bisi Abah nang baik lawan aku lawan unda baisi mama nang sayang lawan unda. Unda ni urang sugih, pintar ha pulang unda ni bahagia banar tupang”. Anang ni baisi sahabat ngarannya Utuh.

Pas hari sanayan si Utuh ni mambawai unda bajalanan ka tampat rekreasi, kami basanang-sanang disana ni, pas kada sangaja unda malihat urang pacaran nang lagi mahabisakan waktu gasan badua. Kada sadar sakalinya unda camburu malihat pasangan nang bapacaran ni. Jadi dalam hati unda baucap “ balum sampurna sakalinya hidup unda ni bila unda ni balum baisi pacar, supaya unda ni kawa kaya urang jua bisa baduaan lawan binian”. Sambil malamun unda maingkuti es, kada sangaja unda sakalinya tarampak lawan babinian, maka babiniannya ni mambawa anjing pulang ditangannya. Sing takutannya unda ni malihat anjing nang dibawanya ni bukah ae unda sing lajuan supaya kada diigut lawan anjing nang dibawa babinian tadi. Untung haja ada si Utuh manulungi unda, jaka kadada si Utuh bisa linyak unda dijadiakan makanan lawan anjing tadi. Sakalinya kada tarasa harinya sudah sanja, jadi unda lawan Utuh ni bulikan ae lagi ka rumah sorang-sorang.

Sasampainya di rumah unda masih mahayal lawan sapasang kakasih nang ada di taman tadi nang masra banar, kada karasaan saking nyamannya mahayal imbah maitihi jam sakalinya sudah tangah malam. “Maka guring ae unda sambil baharap bisa dapat akan pacar jua, kayapa aja caranya unda usaha akan tupang sampai ada babinian nang handak jadi pacar unda”.

Malam sanayan baubah manjadi hari sanayan baisukan, unda dibangun akan lawan mama supaya lakas mandi lawan babaju sakulah. Unda tulak sakulah lawan si Utuh. Sasampainya ka sakulah bel sakulah sudah bunyi ngintu gen jamnya upacara hari sanayan, pas ngintu unda umpat upacara, sampai upacara handak tuntung unda hanyar sadar mun ada babinian bungas lawan semok baris di higa unda. Kulitnya mulus banar, rambutnya lurus barebonding ha pulang. Tatapi pinanya ada nang lain lawan muhanya, muhanya pina pucat lawan nang kaya kada batanaga. Kada lawas babinian ngintu siup dihaiga unda. Langsung sigap unda mamingkuti babinian nang siup ngintu, pas manangkap awaknya ada rasa nang aneh di awakku, daarah unda bajalan tarasa daras banar nang kaya handak sampai ka atas kapala, jantung unda badagup kancang banar. Dalam hati unda bapandir “ baaaah! Iya am, parasaan napa ngini kada biasanya unda kayni? Apa ngini nang rasanya jatuh cinta kah yo, baaaah! Iya am unda bujuran jatuh cinta lawan binian ngini, tapi napa lagi dasar jua unda jatuh cinta lawan binian ngini.

Walau Cuma satangah manit unda maingkuti awaknya, rasanya nang kaya binian ngini sudah manjadi pacar unda sautuhnya tupang. Kada lawas binian ngintu dibawa ka ruang UKS. Kada lawas binian ngintu sadar datang siupnya imbah ngintu pas rahatan istirahat di sakulah binian ngintu mandatangiku lawan rasa supan-supan inya baucap “makasihlah tadi sudah manulungi aku” jadi jar unda “sama-sama”, binian ngintu maulur akan tangannya handak basalaman tangat supaya kawa bakanalan lawan unda jadi jarnya “galuh sambil basalaman tangan unda”

“Anang” ujar unda manyahuti pulang.

Jadi sabagai rasa tarimakasih ikam manolongi aku, aku handak bajalanan lawan ikam harus umpat karan ikam sudah manolongi aku, jadi kayapa Nang hakun z kalo ikam umpat??

“Ya… ya… ya…” ujar Anang.

“Okelah kaena imbah bulik sakulah aku mahadangi ikam dimuka garbang sakulah” ujar si Galuh.

“Seeps Galuh ae….” Anang manyahuti pulang.

Sampai tatamu kaena Anang?

Kada lawas unda babulik ka kalas, hati unda sanang luar biasa imbah ngintu unda duduk di higa kawan unda si Utuh lawan sambil mambayang akan muha si Galuh nang langkar. Kada lawas si Utuh malihati aku lalu bapandir “ kenapa nyawa nang pina kagirangan banar, nang kaya imbah dapat buntut nyawa ni?”

“Kada, unda sanang haja hari ini. “Hehehehe” ujar Anang menyahuti.

Kada lawas harinya siang sudah, wayahnya bulik sakulah sudah. Kada sabar lagi unda, langsung haja unda begagas datang ka garbang sakulah. Kada lawas Galuh datang rambutnya taurai, “ubuy-ubuy dasar langkar si Galuh ngini sakalinya” ujar unda dalam hati.

“Galuh kamanaan kita kita ni?” ujar unda manakuni.

Jadi ujar Galuh “ aku handak ikam haja nang manantuakan”

“Ayuha mun kaitu, unda handak mambawa ikam ka tampat nang rami, tapi sabalum kita tulak unda handak mambawa ikam makan dahulu supaya ikam kada siup pulang. Ikam handak makan napa Galuh?” ujarku manakuni.

‘aku lagi handak bakso nah” ujar Galuh manyahuti.

“ Ayuha kita makanan bakso nang parak-parak sini haja”. Ujarku manyahuti.

Imbah sampai di muka warung bakso kami masuk lawan duduk, kamudian tukung surung di warung mandatangi lawan handak manawari handak makan napa zer sidin.

“Handak makan napa ikam Galuh?” ujarku manakuni.

“Aku handak bakso lawan minum es teh haja gen” ujar Galuh.

“Paman! Es teh dua lawan baksonya dua paman ae” ujarku mamadahi paman baksonya.

Sambil mahadang bakso nang sudah unda pasan, unda bapandiran lawan Galuh. Kada lawas Pamannya datang mambawa akan pasanan kami, imbah kami makan bakso lawan minum es teh tadi, kami kada lawas malanjut akan bajalanan ka sabuah taman. Di sana kami bamainan, rami banar kami bamainan sambil aku melihat muha Galuh nang bungas lawan langkar, rasa langkap banar sudah hidupku ngini.

About these ads

Berikan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s